Бодлогын, судалгаа шинжилгээний төвийн үйл ажиллагааны чиглэл

1. Нийслэлийн нийгэм, эдийн засгийн динамик загвар боловсруулж, нийслэлээс гаргаж байгаа бодлого, шийдвэр, төсөл хөтөлбөрийн нөлөөллийг тооцож, удирдлагыг мэдээллээр хангана;
2. Нийслэлийн хот байгуулалт, дэд бүтэц, эдийн засаг, нийгмийн салбарын шинжилгээ, таамаглал хийнэ;
3. Нийслэлийн хөгжлийн бодлого, төлөвлөлт, хөрөнгө оруулалтын макро тооцооллыг хийх, төр, хувийн хэвшлийн төсөл, хөтөлбөрийн үр ашгийн тооцоог хийх, хянана;
4. Мэдээллийн нэгдсэн сан - Нийслэлийн бодлого, төлөвлөлтөд шаардлагатай статистик мэдээллийг бүрдүүлж ажиллана;
5. Статистикийн болон захиргааны мэдээлэлд үндэслэн Нийслэлийн нийгэм, эдийн засгийн их өгөгдлийг бий болгох, дата анализ хийж, удирдлагыг мэдээллээр хангах, шуурхай хянах системийг боловсруулна;
6. Нийслэлээс хэрэгжүүлж буй төсөл хөтөлбөр, хөтөлбөрийн хэрэгжилтийн тоон мэдээлэл  дээр үндэслэн дүн шинжилгээ хийнэ (Нийгэм-эдийн засаг, шинжлэх ухаан-техникийн хөгжлийн чиглэлээр хөтөлбөр, төслийг хэрэгжүүлэхэд дүн шинжилгээ хийх, арга зүйн зөвлөмж өгөх ажлыг зохион байгуулах;
7. Нийслэлийн нийгэм-эдийн засаг, хөгжлийн бодлого, төлөвлөлт, хөрөнгө оруулалт, эдийн засгийн үйл ажиллагааны тоон үзүүлэлтэд тулгуурлан дүн шинжилгээ хийх, урьдчилан таамаглана;
8. Сонирхогч талуудад дүн шинжилгээ, зөвлөх, лавлагаа арга зүйн (арга барил) болон мэдээллийн үйлчилгээ үзүүлнэ;
9. “Төв”-ийн үйл ажиллагааны чиглэлтэй холбоотой асуудлаар мэдээлэл, дүн шинжилгээ, судалгааны материалыг тогтоосон журмаар тогтмол хэвлэн нийтэлнэ;
10. “Төв”-ийн хамрах хүрээтэй холбоотой асуудлаар гадаад, олон улсын эдийн засгийн байгууллагуудтай хамтран ажиллана.