“GIS Day 2025” арга хэмжээ Улаанбаатар хотод амжилттай зохион байгуулагдлаа

     Семинарын онцлох илтгэлээр “Гурван Тамир” ЕБС-ийн ахлах ангийн сурагчид гео-мэдээллийн шинжлэх ухаан, технологи нь улс орны хөгжлийн бодит шийдвэр гаргалтад ямар чухал болохыг онцлон хэлж, НҮБ-ын Тогтвортой хөгжлийн 17 зорилт, байгаль орчны хамгаалал, ногоон технологийн ач холбогдлыг онцлов.

Хуралд танилцуулсан гол илтгэлүүд нь:

• ГМС-ийн өдөр гэж юу вэ?

• Улаанбаатар хотын Digital Twin загвар ArcGIS системээр

• Монголын 3D кадастрын загварчлал

• ArcGIS-ийн уул уурхайн үйлдвэрлэлийн хэрэглээ

• Монгол улсын нийгэм, эдийн засагт гангийн нөлөөг үнэлэх

• Геологийн судалгаанд Landsat8, ASTER хиймэл дагуулын мэдрэгчийн дүрс хэрэглэх

• Тариалангийн газар ашиглалт, усалгаатай талбайн өөрчлөлт ба ургац загварчлал

• UAV ашиглан хотын зарим нутаг дэвсгэрийг Digital Twin-д оруулсан судалгаа

• ЕБС-ийн сургалтанд GIS-ийн кейсүүд байлаа. 

       Семинар нь GIS-ийн хэрэглээ, технологийн хөгжил, судалгааны үр дүнг түгээх, залуу судлаачид, оюутнуудын оролцоог нэмэгдүүлэх, шинэ санаа, инновацийг хөгжүүлэхэд чухал хувь нэмэр оруулсан юм. “GIS Day 2025” арга хэмжээ нь GIS-ийн салбарын хөгжил, боловсрол, шинэ технологи нэвтрүүлэх, туршлага солилцох чиглэлээр зохион байгуулагдсан бөгөөд залуу үеийн оролцоо, инноваци, тогтвортой хөгжлийн ач холбогдлыг онцлон харуулсан билээ.